部分11（1/2）

第八章(上，中，下合集)

三日时间到左！老实讲，我都唔係太想去！因为我真係谂谂下接受唔到比人玩后面菊花！奈何事实我係充大头，係咁使钱，买左好多好贵既野，今个月一身信用卡数！唔通我真係要卖身？想起第一日入呢间公司，我都係谂住靠实力。而家？哈！只係一个保险经纪都不如既援交男。呢个部门底下跟俊哥既，边个唔知呢个游戏规则呀！係我发呆谂呢d野既时候，手机响左……

mandy「你好同事！我係mandy！今日收到个客回覆，个客话想你出席个私人派对！姐係你记唔记得前几日开会讲果个长生？」

我「哦！……我想问下有几多人会同我去？」

mandy「俊哥交带左！你地收到通知唔可以讲出黎！你唔需要知边个会去！一阵我会比你签一张保密协议！大致上唔可以同人讲话你出席活动！」

我「哈哈？点解咁神秘？」

mandy「同事！我都想你明白！人地係大集团既名人！你被选中都明白你大约到左要做咩！你如果咁多野问的话，我可以取消有关决定！需唔需要？」

我「唔使！明白！」

mandy「你一阵一点！到二号会议室签左份保密协议同讲埋到时安排！ok？」

我「ok！到时见！」

呢个时候！我冇咩感觉，唔知自己係咪真係为钱可以做呢件事。但係我卡数果到，真係唔可以比呀妈知！唔係呀妈入医院都似！去到十点几，最八果两个同事就係到倾啦！

呀希「点解重咪讲边个去既？」

呀正「唔通好似上次咁？话好似要签果d野呢？你明既！哈哈！」

豪b「你地讲签咩？」

呀希「即係唔係你黎啦！会唔会係泰仔定係jack？佢地都好似冇出声！」

豪b「签咩？」

呀正「总言之！我地知你冇份去啦！但係？重有晨仔？喂！呀希，你同佢熟d，你问下呀！」

呀希「讲时讲！豪b同晨仔都有比全身相！中既机会大！」

呢个时候呀希拍我！

呀希「你係咪有人联络左你啦？」

老实讲，我都好聪明！呢家野，唔可以比同事知！係既话有排唱都似！

我「联络左我？咩都冇！唔係使咩而家搵客仔呀！」

咁岩，俊哥返左黎！个个就做番自己野啦！到左一点，大家都出左去食饭。讲真呀，安排好哂！小白拉大队去食饭，而我就比小白交带左要跟埋张单。其实只係方便我同mandy倾埋呢次私人派对既安排！当我拎住支笔果时，我真係想唔签！但係最终都签左！当我签完，mandy话……

mandy「今次既奖金会去到十三万！但係你需要参加足三日派对先会有！呢到有另一份合同！」

我「下！点解？」

mandy「签定唔签？唔签就唔好哂时间！而家比五分钟时间你考虑！」

就係咁！我再签多左一份合同！派对既日子会係下个星期四！真係比定心理準备自己先得啦！

点解我会签呢份合同呢？每一分钟我都谂紧呢个问题！听日就係星期四呀，我真係唔知点好！今日mandy同我搞埋d手尾，姐係帮我扮拎三日病假。好彩冇人估到！不过都洗湿个头，而家谂黎都冇用！话哂而家都三点半，早d训好过！点知电话到豪b send左line黎！

豪b「做紧咩？」??

我「就训啦！做咩事呀？」

豪b「我想讲长十单野！我地果team好似冇人话有份去！你知唔知边个去？」

我「唔知呀？我今日好累！病左！唔倾呀！」

豪b「打比你得吗？好挂住你！」

我「唔呀！我同你而家係朋友！」

豪b「其实黎紧呢三日？你係咪去长生个party？」

我呢个时候！真係唔知比咩反应佢好，我其实係对佢有感觉！但係我唔想比佢知道我因为钱而做到咁贱！

我「我真係病左！叫你做，你都唔好做啦！你唔好烦住我呀！我重感冒要休息呀！唔倾啦！88！」

讲完呢番说话之后！豪b都冇回我呀，而我都好好地训係床上面，好好等待明天出发！点知一训就训到十点，今日十二点就要去到半岛酒店！我就好快咁梳洗好出发啦！本来係巴士训紧，点知俊哥打黎！

俊哥「你而家係边？无重係屋舍呀？」

我「我而家就到呀！你放心！」

俊哥「我同你讲！呢个大客仔黎！如果你服侍得长生好好地！之后一定大把机会！唔好令我失望！」

我「係！俊哥！」

说时迟，那时快！我已经到左半岛酒店！到左之后，我係酒店大堂打比mandy比我既电话！一个声音沙哑既男人听左我电话……